Bashkësinë Islame me rastin e festës së Kurban Bajramit e vizitoi dhe një delegacion nga partia opozitare, Lëvizja Vetëvendosje të prirë nga deputeti, Liburn Aliu.
Aliu teksa foli për rëndësinë e kësaj feste, tha se sakrifica dhe solidariteti janë dy mesazhet kryesore të Kurban Bajramit.
Pa këto, sipas tij, nuk mund të ketë as ecje përpara si shtet.
Aliu: Nuk mund të ketë ecje përpara pa pasur sakrificë
“Është mesazh jashtëzakonisht i rëndësishëm sepse këto dy tipare bëjnë që një shoqëri të garantojë ecjen përpara dhe të garantojë qëndrueshmërinë e saj. Nuk mund të ketë ecje përpara pa pasur sakrificë, po ashtu nuk mund të ketë qëndrueshmëri pa pasur barazi. Barazia duhet të lidhet ngushtë me solidaritetin”, tha deputeti Aliu.