Është liruar nga burgu ish-ushtari i Ushtrisë Çlirimtare të Kosovës, Tomor Morina.
Lajmin e ka konfirmuar djali i dajës së ish ushtarit, Gurakuq Dobruna, sipas të cilit vendimi për lirimin e tij është marrë, por nuk dihet se kur do të lirohet.
“Vendimi për lirim është marrë sot, kur do të del nga burgu nuk e dimë ende, sepse dokumenti i vendimit duhet të dërgohet në burgun ku po qëndron Tomori,” tha ai, duke shtuar se lirimi i Tomor Morinës mund të ndodhë gjatë ditës së nesërme ose gjatë dy apo tre ditëve të ardhshme.
Ndryshe, Tomor Morina, u arrestua më 24 korrik në pikën kufitare në Bllacë. Ai u mbajt për më shumë se dy javë në Burgun e Shutkës, në bazë të një fletarresti të Interpolit të lëshuar nga Serbia për kinse krime lufte.
Serbia kishte kërkuar nga Maqedonia e Veriut të ekstradonte Tomor Morinën.
