Sekretarja e Aleancës për Ardhmërinë e Kosovës, Donika Kadaj-Bujupi zgjedhjet e ardhshme nacionale që do të mbahen në Kosovë, i ka vlerësuar si shumë të rëndësishme, duke i quajtur referendum ku do të votohet për ndarjen apo mosndarjen e Kosovës.
Ajo në “Debat Plus” në RTV Dukagjini ka thënë se Kosova ndodhet para një momenti kyç, ku sipas saj deri në këtë kohë Haradinaj ka penguar projektin e dëmshëm për ndarjen e Kosovës.
“Jemi para një momenti kyç, kur jemi pro ndarjes dhe kundër ndarjes, Haradinaj e ka penguar ndarjen e Kosovës por tani situate ka ndryshuar”, ka thënë Kadaj-Bujupi.
Deputetja ka theksuar se ky projekt i rrezikshëm është përkrahur edhe nga zyrtarë të partive tjera, siç është nënkryetari i LDK-së, Lutfi Haziri.
“Është përkrah prej nënkryetarëve të partive të caktume. Njëri prej tyre është Lutfi Haziri. Dy njereëz që kanë përfaqësu parti politike, Hashim Thaçi si president por dihet roli i tij, dhe Lufti Haziri si nënkryetar i LDK-së e kanë përkrah ndarjen e Kosovës”, ka thënë ajo.
Kadaj-Bujupi ka insistuar se këto zgjedhje duhet të shihen si referendum.
“Këto zgjedhje janë referendum, për ndarjen apo mosndarjen e Kosovës”, ka thënë ajo.