Kryetari i Partisë Socialdemokrate, Shpend Ahmeti, në emisionin Pressing të Televizionit 7, ka thënë se partia e tij ka pasur ofertë që të hyjë në Qeveri me koalicionin PAN para dhe pasi Ramush Haradinaj dha dorëheqje.
Ahmeti thotë se ka refuzuar që PSD’ja të bëhet pjesë e Qeverisë, pjesë e të cilës ishte edhe PSD’ja.
Kreu i PSD’së thotë se ‘të brendshëm e ndërkombëtarë”, i kanë kërkuar që të bëhet pjesë e Qeverisë pasi kryeministri Ramush Haradinaj la bosh pozitën e tij.
Mirëpo , sipas Ahmetit, për partinë e tij ka qenë e papranueshme që të hyjnë në një Qeveri pjesë e të cilës është Partia Demokratike.
“Edhe gjatë qeverisjes i kam thënë zotit Haradinaj që ju përkrahim kur është puna për të mirën e Kosovës, kur nuk është, nuk ju përkrahim”, është shprehur Ahmeti.