Sekretari shtetëror i ShBA-ve Mike Pompeo gjatë takimit me presidentin e Serbisë ka kërkuar nga Serbia që të fokusohet në qëllimin e vetë strategjik anëtarësimin në BE, shkruan “B92”, përcjell “Bota Sot” bazuar në kumtesën e lëshuar nga Departamenti i Shtetit amerikan.
Pompeo sipas Departamentit të Shtetit ka thënë se Serbia duhet të fokusohet në përtëritjen e dialogut me Kosovën.
Pompeo dhe Vuçiq kanë biseduar për vizionin e përbashkët për Ballkanin e sigurt, prosperues dhe stabil, si dhe vazhdimin e mbështetjes së Serbisë në rrugën drejt BE-së.
"Sekretari i Shtetit Pompeo trimëroi Serbinë që të fokusohet në arritjen e qëllimit strategjik dhe përshpejtimin e reformës si dhe në përtëritjen e dialogut me Kosovën me qëllim të arritjes së marrëveshjes gjithëpërfshirëse për normalizimin e raporteve që shpie në ‘njohje e ndërsjellë", thuhet në kumtesën e Departamentit të Shtetit.
Pompeo ka porositur se dy anët duhet t'iu largohen provokimeve që pengojnë procesin e normalizimit dhe që të angazhohen në frymën e kompromisit dhe fleksibilitetit që janë të domosdoshme që të arrihet marrëveshja dhe të shfrytëzohen potencialet e dy vendeve.
Pompeo ka përmendur edhe raportet e mira të ShBA-së me Serbinë.