Presidenti i Serbisë, Aleksandar Vuçiq u takua me zëvendës sekretarin shtetëror Metju Palmer dhe nënkryetarin e Këshillit Atlantik të ShBA-ve Dejmon Vilson.
Vuçiq me zyrtarët e lartë amerikanë Palmer dhe Vilson u takua pas takimit të mbrëmshëm me sekretarin e shtetit Majk Pompoe.
"Bisedë e gjatë, përgjegjëse dhe serioze me zëvendës ndihmës sekretarin e ShBA-ve Metju Palmer për raportet ndërmjet Prishtinës dhe Beogradit si dhe rreth raporteve gjithëpërfshirëse amerikano-serbe” ka shkruar presidenti serb Vuçiq në Instagram, shkruan "Bota sot".
"Kosova ishte tema dominuese e bisedës me nënkryetarin ekzekutiv të Këshillit Atlantik Dejmon Vilson. Mbrojtja e interesit të popullit serb në Kosovë dhe ruajtja e interesave vitale kombëtare dhe shtetërore të Serbisë ishin çështjet e ngritura në bisedë me Vilson” ka publikuar Vuçiq.