“Budallë me tupan”, anëtari i Kryesisë së PSD-së sulmon ashpër Bahtirin për aderimin në VV - Bota Sot
“Budallë me tupan”, anëtari i Kryesisë së PSD-së sulmon ashpër Bahtirin për aderimin në VV

Aktuale

“Budallë me tupan”, anëtari i Kryesisë së PSD-së sulmon ashpër Bahtirin për aderimin në VV

Më: 23 gusht 2019 Në ora: 17:08
Albin Kuti dhe Agim Bahtiri

Anëtari i Kryesisë së PSD-së, Zgjim Hyseni e ka komentuar aderimin e kryetarit të Mitrovicës Jugore, Agim Bahtiri në Vetëvendosje, nga AKR-ja.

Madje, përmes një postimi në Facebook, Hyseni e ka quajtur “budallë me tupan”, dhe “patriot me bateria”.

Ka thënë se është 100 herë më i korruptuar se PDK, dhe se tash po cilësohet “burrë i mirë”, nga VV-ja.

Ky është postimi i plot i tij në Facebook:

Agim Bahtiri, një patriot me bateria dhe budallë me tupan, katër herë kumbarë me PDK-në në Mitrovicë, 100 herë i korruptuar, tash që po hyn në VV bahet burrë i mirë, i besës e i punës. Po e paramendoj në mbledhje të Kryesisë Agimin Bahtirin. Ka me e shndërru forumin në odë. Ama jo në një odë tipike ku ka llafe t’urta e me rrotlla. Jo, jo, në një mbledhi dokrrash.

Athua, a i ka thënë Albini Agim Bahtirit me e kthy mandatin në AKR tash që po aderon në VV?! Qendronit i pati thënë dorëzoje mandatin para se me dalë. Deputetëve njejtë. A po e vjedh një mandat të kryetarit VV me këtë rast?!

Prej 2 vitesh, e vërteta në VV nuk ka më procedurë. Ajo nuk është çështje përpjekjesh; nuk është as punë e gjykimit të veprimeve apo pozicioneve. Garancia për të në mënyrë ontologjike lidhet me emrin e përveçëm. Është thjesht qenia e tij. I njejti veprim, nëse e bën ai quhet interes publik, kurse për tjetrin rezervohen epitetet linçuese. Populli ynë hipokrizinë e tillë e përshkruan me hoxhën që thotë bëj çfarë them unë, mos bëj çfarë bëj unë.

E ka t’lidhur për kërthize t’vërtetën ky tipi.

Egoja e papërmbajtshme ta humbë çdo skrupull, por pyetja me e rëndësishme është se nga buron ajo dhe çfarë lloji është. Kjo garancë, ky rezervim i të vërtetës vjen nga një traditë politike që i ka shkrirë në një shkencën dhe politikën. Së këndejmi, roli i subjektit është bërë e vërteta e garantuar prej shkencës. Vetëm kur e sheh veten si mjet për realizimin e domosdoshmërisë historike je në gjendje të zbatosh standarde të dyfishta dhe ta mbash kryet lart si idiot. 

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...