Veseli: Do t’i prij luftës kundër korrupsionit dhe nepotizmit - Bota Sot
Veseli: Do t’i prij luftës kundër korrupsionit dhe nepotizmit

Aktuale

Veseli: Do t’i prij luftës kundër korrupsionit dhe nepotizmit

Më: 23 gusht 2019 Në ora: 21:09
Kadri Veseli

Pas zyrtarizimit nga Këshilli Drejtues si kandidat për kryeministër i PDK-së, Kadri Veseli tha se do t’i prijë luftës së pakompromis kundër korrupsionit dhe nepotizmit.

“Si kandidat për kryeministër i zyrtarizuar nga Këshilli Drejtues i PDK-së, nga gra dhe burra që e kanë udhëhequr luftën për liri, procesin e pavarësisë dhe shtetndërtimin, ju premtoj se do t’i prij luftës së pakompromis kundër korrupsionit dhe nepotizmit”, tha Veseli.

Siaps tij, ndryshimin e shumëpritur nga qytetarët e kanë nisur nga vetvetja, duke vendosur një standard të ri etik.

“Unë e kam guximin dhe vendosmërinë për ta bërë këtë. Ndryshimi fillon me luftën kundër korrupsionit, për të krijuar mundësi të barabarta, për t’i mbajtur të rinjtë këtu dhe për ta ndërtuar një ekonomi të fuqishme”, vijoi Veseli.

Por, për këtë Veseli tha se i duhet edhe mbështetja e të gjithë anëtarëve të partisë së tij.

“Bashkohuni me mua dhe së bashku ta ndërtojmë një të ardhme më të mirë për vendin dhe qytetarët tanë”, përfundoi Veseli.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...