Vetëvendosjes i bashkohet juristi dhe publicisti, Getoar Mjeku - Bota Sot
Vetëvendosjes i bashkohet juristi dhe publicisti, Getoar Mjeku

Aktuale

Vetëvendosjes i bashkohet juristi dhe publicisti, Getoar Mjeku

Më: 25 gusht 2019 Në ora: 14:35
Getoar Mjeku, Albin Kurti

Jursiti dhe publicisti, Getoar Mjeku, është bërë pjesë e Vetëvendosjes. Këtë e bëri të ditur kryetari i VV-së, Albin Kurti, me anë të një postimi në profilin tij zyrtar në Facebook.

Kurti tha se  Mjekun kanë fituar një profesionist të ri, një jurist të ditur dhe një patriot të devotshëm.

“Sot u mbushën 20 vjet prej se u kthye nga Franca refugjati 12 vjeçar. Getoar Mjeku sot u anëtarësua në VETËVENDOSJE!. Është jurist dhe publicist i cili i ka mbaruar studimet katërvjeçare, me lëvdata të larta, programi i nderit i Universitetit “Texas Lutheran”, 2010, për të vazhduar si Juris Doctor, me lëvdata, Universiteti “Southern Methodist”, Dallas, 2014. Ka mbaruar edhe programe arsimore në Washington D.C., Oxford të Anglisë dhe Kostarikë”, ka shkruar Kurti.

Postimi i plotë i Kurtit:

Sot u mbushën 20 vjet prej se u kthye nga Franca refugjati 12 vjeçar. Getoar Mjeku sot u anëtarësua në VETËVENDOSJE!. Është jurist dhe publicist i cili i ka mbaruar studimet katërvjeçare, me lëvdata të larta, programi i nderit i Universitetit "Texas Lutheran", 2010, për të vazhduar si Juris Doctor, me lëvdata, Universiteti "Southern Methodist", Dallas, 2014. Ka mbaruar edhe programe arsimore në Washington D.C., Oxford të Anglisë dhe Kostarikë.

Përvoja e tij juridike është ajo e avokatit të licencuar në ShBA, i përqendruar në çështje ekonomike ndërkombëtare. Ka punuar me ekipin e avokatëve të kompanisë "Thomson Reuters" dhe firma të respektuara në Dallas e Houston, dy prej qyteteve më të mëdha në Teksas, përgjatë viteve 2012–2015. Është kthyer në Kosovë pas 10 vjetësh në Amerikë, duke punuar si këshilltar juridik me organizata të zhvillimit ndërkombëtar dhe institucione e ndërmarrje publike, duke përfshirë Agjencinë e Privatizimit dhe Telekomin e Kosovës.

Getoari ka qenë edhe gazetar i sportit në RTV21 (2004–2005), gazetar te Zëri i Amerikës (2010–2011), përkthyes i dy librave nga shqipja në anglisht, redaktor i botimeve të ndryshme, autor punimesh akademike nga e drejta ndërkombëtare e krahasimtare, promovon shkrimin në gjuhë të thjeshtë, veçanërisht në tekste juridike, shkruan vështrime e letërsi për shqiptarët dhe gjuhën shqipe, përkrah ringjalljen e emrit Dardani për shtetin tonë, që është pjesë e pandashme e kombit shqiptar.

Me Getoarin kemi fituar një profesionist të ri, një jurist të ditur dhe një patriot të devotshëm. Drejt fitores, natyrisht.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...