Zgjedhjet e parakohshme parlamentare në vend pritet të mbahen më 6 tetor
Presidenti i vendit Hashim Thaçi, gjatë ditës së sotme pritet edhe zyrtarisht të shpallë datën e zgjedhjeve të parakohshme parlamentare.
Burime të lajmi.net, brenda Presidencës kanë bërë të ditur se presidenti Thaçi tashmë e ka nënshkruar vendimin për mbajtjen e zgjedhjeve më 6 tetor.
“Sot pritet që të bëhet zyrtare data e zgjedhjeve. Presidenti tashmë e ka nënshkruar vendimin për mbajtjen e zgjedhjeve më 6 tetor”, ka thënë ky burim.
Ndryshe, gjatë ditës së sotme presidenti ka dekretuar shpërbërjen e Kuvendit të Kosovës.
