Lideri i Lëvizjes Vetëvendosje, Albin Kurti, nëpërmes rrjetit social Facebook ka bërë të ditur se subjektit të tij i janë bashkuar edhe dy të rinjë.
Dy të rinjtë janë Mërgim Mestani dhe Flutra Gjini-Mestani. Njëri është doktor i shkencave ushqimore ndërsa tjetra stomatologe dhe zyrtare e financave.
“Me qytetarë dhe profesionistë si Mërgimi e Flutra, Lëvizja po e shton kompetencën dhe fuqinë e saj”, thotë Kurti.
Javët e fundit Lëvizjes Vetëvendosje i janë bashkuar shumë profesionistë të fushave të ndryshme.
Postimi i plotë
Bashkë me anëtaren e kryesisë së Lëvizjes, Arbërie Nagavcin, ju uruam mirëseardhjen në Lëvizje çiftit Mërgim Mestani dhe Flutra Gjini-Mestani.
Mërgimi është doktor në shkencat mbi ushqimin dhe teknologjinë ushqimore si dhe profesor në Kolegjin UBT. Prej vitesh është mësimdhënës i teknologjisë ushqimore në shkollën e mesme profesionale “Abdyl Frashëri”, trajnues në programe për menaxhimin e fermave dhe hartues kurrikulash shkollore profesionale dhe planesh zhvillimore për këtë fushë. Ndërsa Flutra ka diplomuar në stomatologji e në menaxhim ndërkombëtar dhe punon si menaxhere dhe zyrtare e financave në Treo Electronics. Ajo ka shërbyer ndër vite në kompani shërbimesh dhe sigurimesh të ndryshme.
Me qytetarë dhe profesionistë si Mërgimi e Flutra, Lëvizja po e shton kompetencën dhe fuqinë e saj.