Ambasadori i ri i Austrisë në vendin tonë, Christoph Weidinger, me rastin e dorëzimit të kredencialeve te presidenti Hashim Thaçi, u zotua se do të vazhdojë të punojë për avancimin e mëtutjeshëm të marrëdhënieve në mes të dy shteteve mike.
Presidenti Thaçi, duke i uruar mirëseardhje ambasadorit Weidinger si dhe suksese në punën e tij, tha se Austria ka qenë ndër vendet e para që ka kuptuar mirë zhvillimet në Kosovë e që i ka treguar botës për Kosovën.
“Kemi ndërtuar traditë të marrëdhënieve të mira bilaterale dhe bashkëpunimit në mekanizmat ndërkombëtarë”, u shpreh presidenti Thaçi për raportet me Austrinë.
Presidenti Thaçi tha se Kosova është shtet i potencialeve të mëdha dhe shtoi se është i kënaqur që investitorë austriakë tanimë kanë investuar në vendin tonë.
