Sallova: Refuzimi i ofertës së Kurtit mundësi e madhe e humbur nga LDK

Aktuale

Sallova: Refuzimi i ofertës së Kurtit mundësi e madhe e humbur nga LDK

Më: 3 shtator 2019 Në ora: 21:57
Donik Sallova

Donik Sallova nga Vetëvendosje ka thënë se koalicionin me Vetëvendosjen në LDK mund ta kenë penguar një pjesë e strukturës së kësaj partie.

Sallova, në “Debat Plus” në RTV Dukagjini ka thënë se refuzimi i LDK-së për koalicion parazgjedhor me VV-në pas letrës së Kurtit ishte një mundësi e madhe e humbur.

“Nënshkrimi i një koalicioni e zgjidhte problemin e fituesit të zgjedhjeve dhe situata zgjedhore do të shtensionohej. Prej asaj dite deri në ditën e zgjedhjeve do të ishte njëfarë tranzicioni i pushtetit se një garë zgjedhore se kush do të jetë fituesi”, tha ai.

Zyrtari i Vetëvendosjes ka thënë se refuzimi i ofertës së Kurtit tregon për pasigurinë që ka LDK-ja për futjen në koalicion me Vetëvendosjen.

“Gara mes VV dhe LDK nuk sillte asgjë të keqe pasi votat grumbulloheshin në një listë dhe në një farë forme fitorja vetëm mund të thellohej”, tha mes tjerash, Donik Sallova.

Ai po ashtu tha se afrimi mes LDK’së dhe VV’së e detyroi LDK’në që ta nominojë Vjosa Osmanin për kryeministre.

commentFirst article
Sot mund të lexoni Shfletoni kopertinat