Një përleshje me armë zjarri ka ndodhur në pasditen e së enjtes, në kryeqendrën e Kosovës.
Në Lagjen e Spitalit, në Prishtinë, katër persona janë plagosur, e më pas njëri prej tyre ka ndërruar jetë në Qendrën Klinike Universitare të Kosovës.
Të plagosur janë dy vëllezër, si dhe një axhë i tyre.
Para se të mbërrijë policia dhe autoambulancat në trotuaret e një ndërtese në lagjen e Spitalit kanë qëndruar të shtrirë persona të përgjakur nga goditjet me armë zjarri.
Ndërkohë që është filmuar edhe dorasi duke e qëlluar njërin nga viktimat.
Motivet e tragjedisë thuhet se kanë të bëjnë me çështje pronësore.