Kryetari i Lidhjes Demokratike të Kosovës Isa Mustafa, ka paralajmëruar se do të nxjerrë nga lista për deputet Haki Raçin, për të cilin u raportua se ka problem me ligjin.
“Çdo kandidat i LDK-së që identifikohet se ka pasur dhe ka problem me ligjin do të nxirret nga lista për deputetë të LDK-së. Do të veprohet sipas ligjit edhe për z. Raçi”, ka thënë Mustafa.
Veprimin e Mustafës e ka duartrokitur Ehat Miftaraj nga Instituti i Kosovës për Drejtësi, përcjell Bota sot.
Miftaraj, derisa ka shprehur respekt për kreun e LDK-së, ka thënë se qëndrimi i tillë jep shpresë për dekriminalizim.
“Dekriminalizimi. Respekt për Kryetarin e LDK-së. Qëndrimi i tillë padyshim se të jep shpresë”, ka shkruar Ehat Miftaraj në një postim në Facebook./BS