Pacolli: Qeveria e re është e obliguar t’i kthehet dialogut – askush më nuk do ta përkëdhelë Kosovën

Aktuale

Pacolli: Qeveria e re është e obliguar t’i kthehet dialogut – askush më nuk do ta përkëdhelë Kosovën

Më: 7 shtator 2019 Në ora: 21:29
Behgjet Pacolli

Kryetari i AKR-së, Behgjet Pacolli, ka thënë se koalicionin me Nisman e sheh si krah për formimin e Qeverisë së re pas zgjedhjeve të 6 tetorit.

Sipas Qeveria e re duhet të formohet në afatin më të shpejt pas përfundimit të procesit zgjedhor.

“Detyrë kryesore e çdo qeverie që do të formohet si rezultat i këtyre zgjedhjeve do të jetë spastrim i rrugës për të filluar dialogu. Kërkesa që vjen nuk është vetëm që vjen prej një njeriu, që është kyç i SHBA-së për Ballkanin”, ka theksuar ai duke u ndërlidhur në takimin që ka pasur me Përfaqësuesin e Posaçëm të SHBA-së për Ballkanin Perëndimor, Matthew Palmer.

“Qeveria e ardhshme do të jetë e obliguar që të fillojë dialogun me Serbinë. Këtë ma ka thënë jo vetëm ky, por ky artikulim është i të gjithë miqve tanë. Ishte gjuhë e ashpër e Palmer por ishte miqësore. Unë besoj se Qeveria e ardhshme ajo duhet të fillojë me spastrim të rrugës për nisjen e dialogut me Serbinë”.

“Detyra numër një që Kosova duhet ta bëjë është përfundimi i dialogut me Serbinë. Traktati i paqes me Serbinë i hap Kosovës perspektivën e gjerë, që të jetë shtet i kompletuar. Unë besoj se më askush nuk do ta përkëdhel Kosovën. Deshëm ose jo nuk mund ta mbajmë peng qytetarin e Kosovës. Duhet të arrijmë te kontrata e paqes që i sjell Kosovës njohje reciproke dhe anëtarësim në organizatat kryesore botërore”.

commentFirst article
Sot mund të lexoni Shfletoni kopertinat