Humbja ndaj Kosovës ndikon rëndë tek presidenti i Çekisë, ai po mendon ta tërheq njohjen

Aktuale

Humbja ndaj Kosovës ndikon rëndë tek presidenti i Çekisë, ai po mendon ta tërheq njohjen

Më: 8 shtator 2019 Në ora: 15:00
Milos Zeman

Kosova shënoi fitore ndaj Çekisë duke rritur gjasat për kualifikim në Euro 2020, kurse për Çekinë, vendin që dikur ka qenë fitues e finalist i garave evropiane dhe botërore, kjo humbje ka qenë shumë përjetim i rëndë.

Mirëpo, duket se zhvillimet nuk do të ndalen në fushën e futbollit, por mund të kalojnë në rrafshin politik.

Në fakt, Presidenti i Çekisë Milos Zeman, pritet të vizitojë Serbinë ditëve të ardhshme, kurse para vizitës, në një intervistë për një portal pro rus, ka thënë se “Çekia mund të tërheqë njohjen e pavarësisë së Kosovës”.

“Pajtohem me deklaratën e ministrit të mbrojtjes Metnar se njohja e Kosovës ka qenë gabim diplomatik. Nëse edhe shtetet tjera vazhdojnë të tërheqin njohjet, Republika Çeke mund të jetë një nga ato shtete”, tha ai Zemani në Parlamentarnji Listi, që u bë publike edhe në mediat serbe të premten. Duke folur për vizitën e në Serbi, ai pranoi se tema e Kosovës do të ishte me siguri pjesë e bisedimeve me Presidentin serb, Aleksandar Vucic.

“Çekia mbështet pranimin gradual të Ballkanit Perëndimor në Bashkimin Evropian, me përjashtim të Kosovës”, vazhdon deklarimi i Zemanit.

Përndryshe Çekia ka refuzuar që të emërojë ambasador në Kosovë dhe aktualisht komunikimi diplomatik zhvillohet në nivel të të ngarkuarve me punë (Charge d’ Affairs), duke shtuar se për çështjet të njohjeve dhe marrëdhënieve diplomatike vendos Qeveria e Çekisë dhe jo zyra e Presidentit, i cili ka më shumë rol ceremonial dhe përfaqësues.

commentFirst article
Sot mund të lexoni Shfletoni kopertinat