Haradinaj: Prodhuesin vendor e kemi në prioritet - Bota Sot
Haradinaj: Prodhuesin vendor e kemi në prioritet

Aktuale

Haradinaj: Prodhuesin vendor e kemi në prioritet

Më: 8 shtator 2019 Në ora: 18:34
Ramush Haradinaj

Kryeministri në detyrë, Ramush Haradinaj, në prag të zgjedhjeve po zhvillon vizita edhe në bizneset vendore.

Ai këtë herë ka qëndruar në Junik për të parë një nga plantacionet e kultivimin të frutave.

Haradinaj shkroi se prodhuesit vendorë do t’i ketë në prioritet nëse do ta drejtojë sërish Qeverinë dhe sipas konceptit të tij 100 për qind.

“Prodhuesin dhe bizneset vendore i kemi vendosur si prioritet, duke ndërmarrë një varg masash mbrojtëse, që rezultuan me ngritje të cilësisë, zgjerim të kapaciteteve dhe shtim të vendeve të reja të punës”.

Ja postimi i plotë:

Agroindustria e Kosovës po e zë vendin e respektuar në tregjet europiane. Shembull i mrekullueshëm është kompania e kultivimit dhe shitjes së frutave e perimeve “Luna” në Junik, investim nga diaspora.

E themeluar nga Delvina Krasniqi, kjo kompani për një kohë të shkurtër ka arritur rezultate impresive, duke u shndërruar në njërin prej plantacioneve më të mëdha të kultivimit të frutave në vend. Familja Krasniqi ka në pronësi edhe kompanitë “German Plast” dhe “Joos Krasniqi”, për veprimtarinë dhe rezultatet e të cilave u njoftova nga pronari i tyre, Zenuni.

Prodhuesin dhe bizneset vendore i kemi vendosur si prioritet, duke ndërmarrë një varg masash mbrojtëse, që rezultuan me ngritje të cilësisë, zgjerim të kapaciteteve dhe shtim të vendeve të reja të punës. Fuqia e Kosovës sipas konceptit 100% shtet matet me parametrat ekonomik, prodhimin vendor dhe konkurrueshmëri në tregun botëror.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...