Ambasadori amerikan mesazh Presidentit të Çekisë: E mbështesim fort Kosovën e pavarur dhe sovrane - Bota Sot
Ambasadori amerikan mesazh Presidentit të Çekisë: E mbështesim fort Kosovën e pavarur dhe sovrane

Aktuale

Ambasadori amerikan mesazh Presidentit të Çekisë: E mbështesim fort Kosovën e pavarur dhe sovrane

Më: 12 shtator 2019 Në ora: 14:07
Pamje nga takimi

Këto ditë kur presidenti i Çekisë, Millosh Zeman, po flet gjithandej për mundësinë që shteti i tij të tërheq njohjen për pavarësinë e Republikës së Kosovës, një mesazh i fortë i ka ardhur nga Ambasadori i SHBA’së në Republikën çeke, Stephen B.King.

Këtë mesazh King e ka dërguar pas një takimi që ka pasur sot me ambasadorin e Kosovës në Pragë, Arbër Vllahiun.

Ai ka thënë se ShBA’ja ka mbështetje të palëkundur për Republikën e Kosovës, si një vend sovran dhe të integruar plotësisht në institucionet ndërkombëtare.

‘Ishte nder që të takohem këtë mëngjes me ambasadorin Arbër Vllahiu, dhe të riafirmojë me të mbështetjen e palëkundur të Shteteve të Bashkuara për një Republikë sovrane dhe të pavarur të Kosovës, të integruar plotësisht në bashkësinë ndërkombëtare”, ka shkruar King në llogarinë e tij në tëitter, raporton Gazeta Express.

Presdienti i Çekisë, Millosh Zeman, gjatë një vizite dy ditore në Beograd, i ka thënë Vuçiqit se do të marrë një nismë në shtetin e tij, për të shqyrtuar mundësinë e tërheqjes së njohjes për pavarësinë e Republikës së Kosovës.

Megjithatë Zeman e ka pranuar edhe vetë që një gjë e tillë është shumë e vështirë, pasi që Qeveria e Republikës së Çekisë ka qëndrim plotësisht të kundërt sa i përket Kosovës.

Se Zemanin nuk e pyet askush e tregon edhe deklarimi tallës i Minsitrit të Punëve të Jashtme të Çekisë, Tomas Petriçek, i cili ka thënë se Zeman po flet keq vetëm pse Kosova e ka mposhtur Çekinë në futboll.

Roli i Zeman si president është ceremonial, dhe vendimet e mëdha në Çeki merren nga Qeveria.

Image
Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...