Osmani: Të ndezim kushtrimin e fitorës së shtetit ligjor - Bota Sot
Osmani: Të ndezim kushtrimin e fitorës së shtetit ligjor

Aktuale

Osmani: Të ndezim kushtrimin e fitorës së shtetit ligjor

Më: 14 shtator 2019 Në ora: 13:07
Vjosa Osmani

Kandidatja për kryeministre nga radhët e Lidhjes Demokratike të Kosovës, Vjosa Osmani, në një tubim me qytetarët anëtarët dhe simpatizantët e LDK-së në Podujevë, deklaroi se Llapi ja ka kthyer Kosovës shpresën edhe në kohërat më të vështira.

Osmani theksoi se Llapi nuk ia ka kthyer kurrë shpinën rrugës së drejtë të Ibrahim Rugovës.

” Llapi ja ka kthyer shpresën Kosovës edhe në kohërat më të vështira.Në Llap i ka rrënjët edhe familje ime, jo vetëm rrënjët por edhe krahët. Llapi nuk ia ka kthyer shpinën kurrë rrugës së drejtë të Ibrahim Rugovës.Ishin iu Llapjanët që i ndezët kushtrimit e mobilizimit të Ibrahim Rugovës.”

Ajo shtoi se as në kohërat më të brishta fitorën e LDK-së nuk ka mundur të rrezikoj askush, madje edhe kur presidenti i ndjerë Ibrahim Rugova ishte i rrezikuar.

” Edhe në kohërat më të brishta askush nuk ka mundur ta ndal fitorën e LDK-së. Asnjëri nga ne nuk kemi harruar në çfare gjendja ishim në atë kohë dhe nga kush rrezikohej Kosova. Por askush se kishte imagjinuar se Rugova pas kthimit të tij nga Italia kishte zgjedhur të vizitonte Llapin.Ai kishte shkuar për të nderuar Bradashin e Enver Malokut, Podujevën e Xhemajl Mustafës, Zahir Pajazitit e Hakif Zejnullahut.”

Tutje Vjosa Osmani, në fjalimin i bëri thirrje elektoratit të Lidhjes Demokratike të ndezin kushtrimit për fitorën e shtetit ligjor, duke shtuar se ky ishte amanet i presidentit Rugova.

” Pra ju të gjithë të ndezni kushtrimit për fitoren e shtetit ligjor, ku të rinjtë e të rejat e gjejnë vetën dhe nuk turpërohen nga liderët e vetë. Pra gjendemi në kullën e pamposhtur të LDK-së.Amaneti i presidentit Rugova për shtet ligjor akoma nuk është plotësuar. Ja kemi borxh atij, ja kemi borxh secilës familje, secilit dëshmor që dha jetën për liri.”

Ajo ndër të tjera tha se shtetin ligjor ja kemi borxh të rinjve, nënave që kanë përjetuar ikjen e bijëve e bijave të tyre.

“Ja kemi borxh të rinjve që të mos ikin. Ja kemi borxh secilës nënë që ka përjetuar ikjen e bijëve e bijave të tyre. Të mobilizohemi që ta nxjerrim Kosovën nga humnera, nga rreziku i copëtimit dhe ta shpëtojmë nga ata që e plaçkitën Kosovën duke mos menduar aspak për popullin. Ne duhet bashkë me ju ta bindim secili nënë secilin babë, që ta zgjedhin qëndrimin e duhur sepse pas 6 tetorit do të përfaqësohen nga njerëzit me duar të pastra. Ne do të ja kthejmë shpresën, për Shëndetësi më të mirë, Arsim më të mirë. Një vend që mund të jetojmë dinjitetshëm.”

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...