Kryetari i komunës së Mitrovicës dhe anëtari i Lëvizjes Vetëvendosje, Agim Bahtiri, ka folur për zhvillimet e fundit politike në referencë me zgjedhjet e parakohshme të 6 tetorit.
Bahtiri ka thënë se radikalizmi Vetëvendosjes i ka ardhur nga njerëzit që janë larguar nga kjo parti, duke e adresuar fajin te Partia Socialdemokrate.
Më tej ai përmendi lidhjet personale me z.Kurti, duke thënë që “E njoh Albinin, kam biseduar me të prej vitit 2014, e njoh shpirtërisht, e njoh intelektualisht.”
Z.Bahtiri ka vazhduar mbrojtjen e z.Kurti duke thënë që është “intelektuali që s’e ka Kosova”. Negacioni në këtë fjali mund të japë kuptimin që as kandidati i Vetëvendosjes nuk është intelektual, por duke njohur mënyrën se si kryetari i Mitrovicës abuzon me fjalët mund të besohet e kundërta e kësaj.
Ai po ashtu ka bërë me faj pushtetin aktual edhe për tensionet në veri të vendit, edhe pse partia paraprake, AKR-ja, ishte pjesë e qeverisë Haradinaj.
