Kryetari i AAK-së, Ramush Haradinaj, është takuar sot me ambasadorin Italian Piero Cristoforo Sardi, më të cilin kanë diskutuar për proceset e rëndësishme për Kosovën, përfshi këtu liberalizimin e vizave.
Haradinaj, ka thëeksuar se Kosova po tregon pjekuri të lartë politike dhe demokratike me procesin e zhvillimeve.
Poashtu ka shtuar se përkushtimi institucional do të vazhdojë në temat e rëndësishme, sic është dialogu, rrugëtimi euro-atlantik dhe fuqizimi i brendshëm i vendit.
Postimi plotë:
Italia ndër vite ka treguar kujdes dhe mbështetje të veçantë për vendin dhe ky partneritet duhet të vazhdoj edhe në procese të rëndësishme për Kosovën, siç është liberalizimi i vizave, si një e drejtë e popullit tonë. Në takim të rregullt me Ambasadorin Italian Piero Cristoforo Sardi, theksova se Kosova ka treguar pjekuri të lartë politike dhe demokratike me procesin e ri të zgjedhjeve dhe se përkushtimi institucional do të vazhdojë në temat e rëndësishme, siç është dialogu, rruga euro-atlantike dhe fuqizimi i brendshëm i vendit.
