Ish-komandanti i Ushtrisë Çlirimtare të Kosovës, Naim Maloku ka njoftuar se është intervistuar nga Gjykata Speciale e Hagës.
Maloku përmes një postimi në Facebook, ka treguar se sot është intervistuar nga Prokuroria e Gjykatës Speciale e Hagës, në Gjykatën e Qarkut të Lubjanës në Slloveni.
Maloku është shprehur se ai dhe Prokuroria Speciale ishin palë e barabartë në Gjykatë.
Ja postimi i plotë:
Bashkeluftetar te mi, familjar dhe Miq!
Ju njoftoj qe sot, para pak qastesh, e kreva obligimin tim para Drejtesise se Shtetit tim Kosoves duke e perfunduar intervistimin nga Prokuroria e Gjykates Speciale me seli ne Hage.
Intervistimi eshte kryer ne Gjykaten e Qarkut te Lubjanes, ne prezencen dhe udheheqjen e gjyqetares se kesaje Gjykate ,si dhe konform Ligjeve dhe Juridiksionit Slloven.
Une dhe Prokuroria Speciale ishim pale te barabarta ne Gjykate.
E falenderoi Gjykaten e Qarkut te Lubjanes dhe Shtetin Slloven per korektesine dhe mbrojtjen e te drejtave te mia si pale!
Lubjane: 18.09. 2019