Asamblisti i Aleancës për Ardhmërinë e Kosovës në Vushtrri, Berat Asllani, ka kaluar në partinë Nisma Socialdemokrate.
Këtë e ka bërë të ditur ministri Endrit Shala nëpërmjet një shkrimi në Facebook.
“Familja Asllani njihet për atdhedashurinë dhe Idrizi madje ishte edhe i burgosur politik, andaj bashkimi i tyre me Nismën Socialdemokrate na bënë edhe krenarë e edhe borxhli për të punuar për Kosovën që e meritojmë”.
Më poshtë mund ta lexoni shkrimin e plotë të tij në Facebook.
Jam shumë i lumtur që sot i urova mirëseardhje në Nismën Socialdemokrate Berat Asllanit, asambleistit më të votuar të AAK-së në Vushtrri.
Djalit të luftëtarit Idriz Asllani i cili ishte luftëtar i orëve të para të UÇK-së.
Familja Asllani njihet për atdhedashurinë dhe Idrizi madje ishte edhe i burgosur politik, andaj bashkimi i tyre me Nismën Socialdemokrate na bënë edhe krenarë e edhe borxhli për të punuar për Kosovën që e meritojmë.
Berati i cili ka qenë edhe shef i Inspeksionit në Vushtrri, i ka besuar vizionit të Nismës për ta udhëhequr shtetin në mënyren më të dinjitetshme.
Faleminderit që po i bashkoheni kauzës tonë për tu bërë bashkë për shtetin
E.SH
#BashkëpërSh8in
#MeFatmirLimajnKryeministër
#Nisma122
#EndritShala8