Ferat Shala: Zotohemi se do të ndërtojmë një të ardhme më të mirë për shtetin e Kosovës - Bota Sot
Ferat Shala: Zotohemi se do të ndërtojmë një të ardhme më të mirë për shtetin e Kosovës

Aktuale

Ferat Shala: Zotohemi se do të ndërtojmë një të ardhme më të mirë për shtetin e Kosovës

Më: 21 shtator 2019 Në ora: 23:53
Ferat Shala

Kandidati i PDK-së për deputet, Ferat Shala është zotuar se në mandatin e ardhshëm të Qeverisë së Kosovës, me Kadri Veselin kryeministër, do të vazhdojnë investimet për mbrojtjen e mjedisit në të gjitha fushat.

Postimi Shalës në Facebook:

Në vitin 2017 në kohën kur isha ne detyrën e Ministrit të Mjedisit dhe Planifikimit Hapësinorë, filluam projektet për rregullimin e shtretërve të lumenjve të Kosovës, dhe e dhjetëfishuam buxhetin për këtë sektor.

Miliona euro u investuan për rregullimin e shtratit të Lumit Drenica, Lumit Klina dhe shumë lumenjve tjerë nëpër Kosovë. Sot shumica e këtyre projekteve janë drejt finalizimit dhe gjendja e lumenjve është përmirësuar dukshëm.

Zotohemi se në mandatin e ardhshëm të Qeverisë së Kosovës, me Kadri Veselin kryeministër, do të vazhdojmë investimet për mbrojtjen e mjedisit në të gjitha fushat.

Do të angazhohemi me projekte konkrete për: Ngritjen dhe funksionalizimin e infrastrukturës për trajtimin e ujërave të ndotura; Ngritjen dhe funksionalizimin e qendrave për riciklimin e mbeturinave dhe kapaciteteve komunale për ndarjen e mbeturinave në burim; Zgjerimin e rrjetit të kogjeneritmit dhe kapaciteteve tjera për ngrohje publike në zonat e mëdha urbane; Rritjen e kapaciteteve për prodhimin e energjisë nga burimet e rinovueshme; Rehabilitimin e zonave të ndotura nga mbetjet industriale; Ruajtjen dhe promovimin e vlerave të trashëgimisë natyrore në funksion të zhvillimit të ekoturizmit.

Zotohemi se do të ndërtojmë një të ardhme më të mirë për shtetin e Kosovës dhe qytetarët e saj.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...