Osmani: Në kullën e Isa Boletinit u dëgjua zëri i paprekshëmërisë së kufijve

Aktuale

Osmani: Në kullën e Isa Boletinit u dëgjua zëri i paprekshëmërisë së kufijve

Më: 22 shtator 2019 Në ora: 21:03
Anton Quni dhe Vjosa Osmani

Kandidatja e LDK-së për kryeministre, Vjosa Osmani, sot ka qëndruar në Boletin të Mitrovicës ku edhe e ka vizituar kullën e Isa Boletinit.

Osmani përmes një postimi në Facebook ka thënë se nga kulla e heroit u dëgjua zëri i mosprekjes së kufijve dhe mbrojtjes së sovranitetit.

Ajo ka thënë po ashtu se zgjedhjet e 6 tetorit do të rikonfirmojnë se vetëm LDK-ja i ka dalë dhe do t’i dalë zot Kosovës.

Postimi i plotë i Osmanit:

Sot në Kullën e Isa Boletinit, në veri të vendit, u dëgjua vetëm një zë: ai i paprekshmërisë së kufijve të Kosovës, i mbrojtjes së sovranitetit, e i mbrojtjes së nderit dhe sakrificës së paraardhësve tanë.

As ata që ikën nga përgjegjësia e mbrojtjes së vendit e as ata që ishin të gatshëm të rrezikojnë sovranitetin shtetëror për interesa personale, sot nuk mund të na flasin për guxim e për shtet.

6 tetori do të rikonfirmojë se është vetëm një parti që i doli Zot Kosovës në vitet e 90-ta e do t’i dalë Zot edhe sot: Lidhja Demokratike e Kosovës.

commentFirst article
Sot mund të lexoni Shfletoni kopertinat