Daka: Prokuroria dhe Policia të verifikojnë videon ku shihet manipulimi me vota - Bota Sot
Daka: Prokuroria dhe Policia të verifikojnë videon ku shihet manipulimi me vota

Aktuale

Daka: Prokuroria dhe Policia të verifikojnë videon ku shihet manipulimi me vota

Më: 23 shtator 2019 Në ora: 11:28
Valdete Daka

Shqetësuese por jo lehtë të verifikueshme nëse është autentike e ka quajtur kryetarja e Komisionit Qendror të Zgjedhjeve, Valdete Daka, videon e publikuar një ditë më parë ku një bashkatdhetar që jeton në vendet evropiane, me inicialet V.K., shihet në një video-incizim duke votuar së bashku me dy vajza të tjera.

Derisa procesi i votimit vazhdon të jetë i hapur për bashkatdhetarët që jetojnë në vende të ndryshme botërore, Daka thotë se Prokuroria dhe Policia duhet ta verifikojnë videon ku personi në fjalë shihej duke i plotësonte 50 fletëvotime të shpërndara mbi tavolinë, për t’i dërguar në zyret e KQZ-së në Prishtinë përmes Postës.

Procesi i votimit jashtë Kosovës, sipas saj, është një proces i cili ka një integritet të cenueshëm.

Daka: Shqetësuese, por vështirë e verifikueshme videoja për manipulimin e votave

“Këtë video e kam parë sot në mëngjes. Është shqetësuese, mirëpo çështja e parë është sa është kjo video autentike dhe sa është e vërtetë. Kjo është një çështje që ne si KQZ nuk mundemi me e vërtetu”, tha ajo.

Ajo ka bërë të ditur se KQZ mund të bëjë vetëm verifikimin e dokumenteve të cilat u bashkëngjiten votave, kurse pjesa tjetër, në rast se ka manipulime, i mbetet organeve kompetente.

Daka: Videoja për manipulimin me vota, objekt i shqyrtimit nga Prokuroria dhe Policisë

“Ne si KQZ i bëjmë të gjitha ato që na lejon ligji. Pra, bëjmë vërtetimin e dokumenteve të cilat i bashkëngjiten këtyre votave, ndërkaq çështja e manipulimit pastaj, mund të jetë objekt i shqyrtimit nga ana e Prokurorisë dhe Policisë. Ne si KQZ, krejt çka mund të bëjmë është që të verifikojmë sesa janë të vërteta ato dokumente të cilat na dërgohen, për identifikimin e votuesit dhe a është ai votues në listën votues në listë votuese si votues jashtë Kosovës”, u shpreh ajo.

Duke e pranuar se manipulime të tilla edhe mund të ndodhin, Daka kujtoi edhe rastin e vitit 2013-të, kur KQZ kishte anuluar mijëra vota nga Serbia. 

Daka: Kjo ka ndodhur edhe me votat nga Serbia më 2013

“Kjo ka ndodhur edhe me votat nga Serbia. Ju e dini në vitin 2013 ne i kemi anuluar mijëra vota që kanë qenë të fabrikuara, por megjithatë rreziku gjithmonë ekziston dhe integriteti i këtyre votave është gjithmonë diskutabil dhe lehtë i cenueshëm sepse nuk ka mekanizëm tjetër se si të mbrohet kjo votë”, tha ajo.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...