Pacolli në Prizren: Po vijnë ditë të mira për të rinjtë - Bota Sot
Pacolli në Prizren: Po vijnë ditë të mira për të rinjtë

Aktuale

Pacolli në Prizren: Po vijnë ditë të mira për të rinjtë

Më: 1 tetor 2019 Në ora: 12:47
Behgjet Pacolli

Aleancë Kosova e Re, sot para qytetarëve të Prizrenit, ka shpalosur programin e saj politik në prag të zgjedhjeve të jashtëzakonshme parlamentare të 6 tetorit.

Presidenti i AKR-së, Behgjet Pacolli, duke folur para qytetarëve të Prizrenit tha se ai e sheh ardhmërinë në Kosovë përmes punës.

“Kosova ka diçka të shenjt që të tjerët nuk e kanë, ka rininë, rini aktive, inteligjente, e shëndoshë e dinamike. Dhjetëvjeçari i ardhshëm është dhjetëvjeçari i rinisë së Kosovës, ju do të jeni bartës të proceseve politike në vend”, tha Pacolli për të rinjtë e Kosovës.

Ai po ashtu tha se të rinjtë shumë shpejtë do të udhëtojnë pa viza, dhe për këtë ai tha që ka marrë përkrahjen edh sot në takimin që kishte me ministrin e jashtëm të Finlandës.

Shpendi Shuki nga dega e AKR-së në Prizren, para prizrenasve e cilësoi presidentin e AKR-së, Behgjet Pacolli, si njeriu dhe shqiptarin më të suksesshëm në trevat tona, vizionar e humanist, njeri të fjalës, që do t’i prijë ndryshimit që i duhet Kosovës.

Kandidati për deputet nga dega e AKR-së në Prizren, Ymer Rogova, duke kërkuar besimin e qytetarëve të Prizrenit, tha se AKR-së do të jetë boshti i qeverisë së ardhshme të Kosovës.

Në fund u bë edhe prezantimi i kandidatëve për deputet nga radhët e AKR-së, të pranishëm në këtë tubim elektoral, Behgjet Pacolli, Islam Pacolli, Mirlinda Sopi- Krasniqi, Shqipe Kupina, Refiqe Ternava, Vesel Makolli, Fatmir Matoshi, Myzejene Selmani, Ekrem Mustafa, Sevdije Lama, Avdullah Mehmeti, Alma Lamçja dhe Ymer Rogova.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...