Kandidati për deputet nga LDK, Lumir Abdixhiku, ka thënë se problemet e ekonomisë në Kosovë janë disa strukturore.
Ai në Zona Zgjedhore ka argumentuar premtimin e bërë se buxhetin e shtetit do ta ngritin në 3 miliardë euro.
“Kemi thënë 3 miliardë euro buxhet e që është modest si arritje dhe besoj se do ta arrijmë para përfundimit të mandati. Pjesa më e madhe e buxhetit tash është e zënë. Nga buxheti 2 miliardë 1.6 miliardë janë të zëna. Janë 400 milionë për investime kapitale që është e pamundur”, ka thënë ai.
“1/3 e ekonomisë së një vendi është buxhet. Për ta bërë 3 miliardë buxhetin ekonominë duhet ta rrisin në 9 miliardë. Kjo arrihet duke i dhënë frymë sektorit privat. Shteti është problemi në Kosovë nuk është zgjidhje e problemit. Për t’i dhënë frymë bizneseve janë disa masa”.