Këshilltarja e Haradinajt dënohet me 8 muaj burg me kusht dhe 1 mijë euro gjobë - Bota Sot
Këshilltarja e Haradinajt dënohet me 8 muaj burg me kusht dhe 1 mijë euro gjobë

Aktuale

Këshilltarja e Haradinajt dënohet me 8 muaj burg me kusht dhe 1 mijë euro gjobë

Më: 4 tetor 2019 Në ora: 16:13
Meliza Haradinaj ishte akuzuar nga Prokuroria pasi ajo nuk e kishte deklaruar në Agjencinë Kudër Korrupsion një biznes të regjistruar në Londër.

Gjykata Themelore e Prishtinës e ka dënuar me 8 muaj burgim me kusht Meliza Haradinaj -Stubllën këshilltaren e kryeministrit në detyrë, Ramush Haradinaj.

Pos kësaj, ajo është dënuar edhe me 1 mijë euro gjobë për mosraportim apo raportim i rremë i pasurisë. Sipas njoftimit të Gjykatës, për të dënuarën nuk do të ekzekutohet vendimi me burgim nëse gjatë 1 viti nuk kryen vepër tjetër penale, përcjell Bota sot.

Meliza Haradinaj Stublla ishte akuzuar nga Prokuroria pasi ajo nuk e kishte deklaruar në Agjencinë Kudër Korrupsion një biznes të regjistruar në Londër.

Me këtë ajo kishte bërë shkelje bazuar në Ligjin për deklarimin, prejardhjen dhe kontrollin e pasurisë të zyrtarëve të lartë publik.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...