Suhareka sonte ka përçuar unitet pas numërimit të shumicës së votave.
Kryetari i kësaj komune nga radhët e AAK-së, Bali Muharremaj, ia ka uruar fitoren drejtpërdrejt kryetarit të degës së LDK-së në Suharekë , Ardian Shalës.
Shala që u shpreh i bindur për fitoren e partisë së tij edhe në nivel vendi tha se qyteti i tij është shembull për demokraci dhe unitet.
“Jemi fitues në Suharekë, kemi marrë shumicën e rezultatit dhe po prijmë me 5 mijë vota para partive tjera. Kjo do ta na bëjë edhe në nivel vendi fitues me votat e Suharekës. Qyteti unë është vend i demokracisë që po tregon një pjekuri politike dhe kjo na bën neve edhe më të mirë”.
Ndërkaq Muharremaj ka falënderuar të gjithë qytetarët e komunës së tij për një votim të rregullt dhe pa incidente të mëdha.
“Falënderoj të gjithë për një garë fer dhe demokratike. S’kemi pasë probleme dhe ka qenë një garë e qetë. Ne si AAK jemi rritur krahasuar me herët e kaluara”.
“I kam uruar partitë që kanë fituar. Ne në Suharekë do t’ia shtrijmë dorën gjithmonë atyre që fitojnë”.
