Publicisti Shkëlzen Maliqi ka thënë se sovrani në Kosovë, ka ndarë votëbesimin në tri pjesë pothuajse të barabarta.
Ai ka thënë se ish-koalicioni PAN është ndëshkuar, ndërsa fituesi relativ është Lëvizja Vetëvendosje, përcjell Bota sot.
Sipas Maliqit, VV-ja duhet të ndajë pushtetin me LDK-në, në mënyrë që të qeveris dhe të riparojë raportet e dëmtuara me SHBA-të dhe BE-në.
Ai ka paralajmëruar se nëse kjo gjë shpërfillet, do të kemi sërish probleme.
Postimi i plotë i Maliqit:
Një konstatim joeuforik për voten e sovranit. Ai ka vendosur që ta ndajë votëbesimin në tri pjesë pothuajse të barabarta: LVV, LDK dhe ish koalicioni i ndëshkuar PAN te elektorati shqiptar i kanë nga rreth 33 % dhe rreth 1% përqindëshi i mbetur do ta bëjë diferencën, sepse me meritë do t'i jepet subjektit të paprovuar në pushtet, LVV-se.
Ndeshkimi i PAN-it është absolut, por fituesi i pa dyshimtë LVV është relativ, duhet ta ndaj pushtetin me forcën e dytë, nëse e gjejnë formulën e pajtimit të programeve, të mënyrës së qeverisjes dhe të riparimit të raporteve seriozisht të dëmtuara me ShBA-të dhe BE-ne. Nese kjo gjë shperfillet serish, do të mund të kemi sërish probleme. Vota e sovranit udhëzon reforma dhe pragmatizëm, jo revolucion.
