Sindikata e RTK-së i reagon ashpër Mentor Shalës: Kërkojmë që Bordi i RTK-së të distancohet nga fyerjet - Bota Sot
Sindikata e RTK-së i reagon ashpër Mentor Shalës: Kërkojmë që Bordi i RTK-së të distancohet nga fyerjet

Aktuale

Sindikata e RTK-së i reagon ashpër Mentor Shalës: Kërkojmë që Bordi i RTK-së të distancohet nga fyerjet

Më: 8 tetor 2019 Në ora: 10:19
Foto

Sindikata e Pavarur e RTK-së përmes një komunikate për media ka dënuar ashpër gjuhën fyese që ka përdorur drejtori i RTK-live Mentor Shala pas zgjedhjeve të mbajtura.

Shala pas përfundimit të numërimit të votave kishte thënë se kosovarët kanë votuar pro Rusisë në zgjedhje, pasi Vetëvendosje doli e para dhe LDK e dyta në zgjedhje.

Komunikata e plotë e Sindikatës së Pavarur të RTK-së:

Sindikata e Pavarur e RTK-së denon ashpër gjuhën fyese te drejtorit të RTK-live, Mentor Shala, i cili pjesën më të madhe të votuesve të vendit tonë i quan prorus dhe antiperëndimor.

Përmes këtij shkrimi që nxiti reagimin e mijëra qytetarëve, ai eskalon mëtutje duke deklaruar se me këtë votim, “prej sot më larg e kemi shtetin e Kosovës.”

SPRTK kërkon nga Bordi dhe Menaxhmenti i RTK-së, që të distancohen nga kjo gjuhë denigruese e drejtorit të Mediave online në RTK, e cila shkelë rëndë kodin etik dhe standardet profesionale të Transmetuesit Publik.

Organet drejtuese të RTK-së të mos jenë selektiv por rastin ta trajtojnë konform rregulloreve të RTK-së.

Transmetuesi Publik është i gjithë qytetarëve të Republikës së Kosovës dhe votuesit pavarësisht bindjeve të tyre politike janë qytetarë të vendit tonë.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...