Kandidatja e LDK-së për Kryeministre Vjosa Osmani pasi dje ka bërë një paraqitje befasuese në Shtëpinë e Bardhë ku është pritur nga zyrtarë të Këshillit për Siguri Kombëtare, ajo sot ka zhvilluar edhe një tjetër takim të rëndësishëm.
Kësaj radhe, Osmani në Departamentin e Shtetit është pritur nga Zv.Ndihmës Sekretari i Shtetit, Mathew Palmer.
Këtë takim e ka bërë të ditur vet Osmani, përmes një shkrimi në llogarinë e saj në Facebook.
“Sot në Departamentin e Shtetit u prita nga Zv.Ndihmës Sekretari i Shtetit, Mathew Palmer, i cili është poashtu Përfaqësues Special për Ballkanin Perëndimor. Diskutuam për raportet e Republikës së Kosovës me Shtetet e Bashkuara dhe punët e rëndësishme që na presin përpara”, shkruan Osmani në llogarinë e saj në Facebook.
Kujtojmë se gjatë ditës së djeshme, Osmani është pritur nga John Erath, që është Drejtor për Evropë në Shtëpinë e Bardhë.
