Anëtari i Komisionit Qendror Zgjedhor nga radhët e LDK-së, Sami Hamiti derisa po i kontrollonte fletëvotimet e ardhura nga Serbia në Qendrën për Numërim dhe Rezultate ka vërejtur disa parregullsi.
Sipas Hamitit vetëm një person i ka plotësuar pothuajse të gjitha fletëvotimet.
Hamiti me këtë rast i ka mbledhur këto fletëvotime si dëshmi dhe ka pyetur se ku janë vëzhguesit të tjerë.
Ndryshe në QNR është duke vazhduar procesi i numërimit të votave të ardhura nga Serbia. Numërimi filloi në ora 21:00 pavarësisht që koalicioni Nisma-AKR larguan vëzhguesit dhe komisionerët e tyre, duke kërkuar nga KQZ që të ndalojë këtë proces.
