Zyrtari i Partisë Demokratike të Kosovës Arben Gecaj, ka reaguar pas përplasjes së nënkryetarit të Lidhjes Demokratike të Kosovës Lutfi Hazirit, me zyrtarë nga Lëvizja Vetëvendosje.
Gecaj ka thënë se VV-ja ka nisur procesin e “planifikuar” të degradimit të Hazirit, duke e quajtur të parëndësishëm dhe pa ndikim.
Sipas tij, nëse në LDK kjo kalon pa zhurmë dhe solidarizëm, atëherë VV-ja do të nënshtrojë deri në “përulje” këtë parti, përcjell Bota sot.
Ai ka rikujtuar se e njëjta situatë ishte me AAK-në dhe VV-në më parë.
Postimi i Gecajt:
VV ka filluar procesin e degradimit te Lutfi Hazirit duke e quajtur të parendesishsmëm dhe të pa ndikim. Ky është një moment i ri i cili është pritur, i planifikuar mirë, i takon strategjisë së VV.
Nese kjo kalon në LDK pa zhurmë dhe pa solidarizim, atëher VV e ka nënshtruar deri në përulje këtë parti. Ajo, do të i nënshtrohet plotësisht.
E njejta situatë ishte me AAK, deri në momentin kur Haradinaj aso kohe i verejti qëllimet e VV dhe shpejt pastaj mori nje kurs tjeter, nese ju kujtohet.
