Pushteti shpeshëherë në Kosovë e ka dëshmuar se qëndron mbi ligjin.
Legjislacioni ndonëse i miratuar që të zbatohet njëjtë për të gjithë, në praktikë nuk po mundëson barabartësi të të gjithë qytetarëve para ligjit.
Një shembull i tillë i abuzimit të pushtetit me ligjin është regjistruar në lagjen Bregu i Diellit në Prishtinë, rast i cili nuk do të ishte toleruar po të ishte bërë nga ndonjë qytetar i rëndomtë.
Një shofer i Qeverisë së Kosovës me makinën “Land Rover”, me targa 3Z 004 04, ka bllokuar hyrjen e objektit të ndërtesës së banimit.
Madje sipas qytetarëve kjo shkelje është bërë recidiviste dhe ndodhë pothuajse çdo natë ku drejtuesi i këtij automjeti bën parking të paligjshëm duke bllokuar hyrjen dhe ngulfatur banorët.
Lajmin e ka bërë të ditur faqja Vrojtuesit e Lagjes.
“Sipas banoreve kjo veture zyrtare cdo nate e bllokon hymjen tek Oxford ne Kodren e Diellit”, thuhet në njoftimin i cili është postuar së bashku me fotografinë në rrjetin social facebook.
