Muhaxheri: Osmani të jetë zv/kryeministre dhe ministre e Jashtme, LDK-së ia preferoj tri ministri - Bota Sot
Muhaxheri: Osmani të jetë zv/kryeministre dhe ministre e Jashtme, LDK-së ia preferoj tri ministri

Aktuale

Muhaxheri: Osmani të jetë zv/kryeministre dhe ministre e Jashtme, LDK-së ia preferoj tri ministri

Më: 7 nëntor 2019 Në ora: 22:39
Gazmend Muhaxheri

Kryetari i Pejës njëkohësisht nënkryetar i LDK-së, Gazmend Muhaxheri ka folur edhe për dikasterët që sipas tij duhet t’i ketë të preferuara LDK.

Muhaxheri, në “Debat Plus” ka thënë se LDK-ja duhet të ketë të preferuar Ministrinë e Arsimit pasi sipas tij me përmirësimin e sektorit të arsimit përmirësohet edhe ekonomia në vend.

“Për mua kish me qenë shumë e arsyeshme që LDK-ja të fokusohet në Ministrinë e Arsimit për të bërë diferencën. Arsimi është baza për zhvillimin e shtetit. Pjesët tjera janë Infrastruktura, Bujqësia…Shëndetësia është sektor problematik dhe duhet punë e madhe për t’u parë rezultatet”.

Kryetari i Pejës ka thënë se Ministria e Pushtetit lokal nuk duhet të shuhet pasi sipas tij ajo i shpërblen komunat në bazë të performancës së tyre.

Ai ka thënë se megjithatë Komuna e Pejës nuk ka marrë investimet e duhura për nga numri i banorëve.

Muhaxheri ka thënë se është ithtarë që LDK të ketë ministra të ri në qeveri nga ata që kanë qenë.

“Jam ithtar, madje që asnjë deputetë të mos jetë ministër, por të mbes në Kuvend si deputet”, tha Muhaxheri.

I pyetur nëse Vjosa Osmani duhet të jetë kryetare e Kuvendit, Muhaxheri ka thënë se mendimi i tij është se ajo duhet të jetë zëvendëskryeministre dhe ministre e Punëve të Jashtme.

Shfaq komentet
comments powered by Disqus
Sot mund të lexoni Shfletoni kopertinat