Me vetëm 633 vota ky kandidat është bërë deputet në Kuvendin e Kosovës

Aktuale

Me vetëm 633 vota ky kandidat është bërë deputet në Kuvendin e Kosovës

Më: 7 nëntor 2019 Në ora: 23:28
Adem Hodza

Anëtari i partisë së goranëve (JGP), Adem Hodza, është kandidati që ka marrë më së paku vota, nga 120 përfaqësuesit e popullit që janë zgjedhur deputetë në legjislaturën e re të Kuvendin e Kosovës.

Hodzës i kanë mjaftuar 633 vota për t’u rizgjedhur deputet. Kjo pasi që komunitetet joserbe, i kanë 10 vende të rezervuara në Kuvendin e Kosovës.

Në legjislaturën e kaluar, Hodza ishte pjesë e grupit parlamentar të Listës Serbe.

Hodza njihet si deputeti që më 21 mars të vitit 2018 mundësoi që marrëveshja kontroverse e demarkacionit me Malin e Zi të kalonte dhe të votohej në Kuvend. Ai ishte deputeti i 80-të që votoi pro kësaj marrëveshjeje, pas një takimi që e kishte zhvilluar më parë me Pal Lekajn e AAK-së.

commentFirst article
Sot mund të lexoni Shfletoni kopertinat