Në zgjedhjet e tetorit kishte kandidatë për deputetë që nuk morën as 20 vota.
Ja mësyu garës për të siguruar një ulëse në Kuvendin e Kosovës por Xhejlane Jashari nga Partia Rome e Bashkuar mori vetëm 4 vota në zgjedhjet nacionale të gjashtë tetorit.
E më mirë se Xhejlanja nuk qëndrojnë as Shpejtim Bajrami e Liridona Mustafa, që nga zgjedhjet dolën me nga pesë vota.
Këta dy garuan nga Partia Demokratike e Ashkalive të Kosovës.
Një votë më shumë se këta kishte Avni Berisha nga Partia e Ashkalive për Integrim. Ai mori gjashtë vota në këtë proces.
Kurse shtatë vota siguroi Xhemile Gashi nga Partia Demokratike e Ashkalive të Kosovës.
Nuk munguan as kandidatët me nëntë e dhjetë vota, madje kishe edhe të tillë që grumbulluan njëzet vota gjithsej.
Kurse në radhët e partive të mëdha respektivisht në Lëvizjen Vetëvendosje më se paku vote kishte Driton Vela me 955 vota.
Ndërkohë në Lidhjen Demokratike të Kosovës numrin më të vogël të votove e kishte Fadil Vezaj me 1 mijë e 407 vota.
Ndërkohë në Partinë Demokratike të Kosovës ai që ishte i fundit në listën e votimit ishte Nexhmi Muçiqi me 970 vota.
E nga koalicioni AAK-PSD me më së paku vota doli Dardane Sadiku me 31 vota.
Ndërsa në koalicionin NISMA-AKR kandidati më pak i votuar ishte Qëndresa Xhema me 74 vota.
Në anën tjetër nga partia Fjala Ajhan Çigtekin siguroi 17 vota.
