Ankesat në Supreme, PDK i reagon Vetëvendosjes

Aktuale

Ankesat në Supreme, PDK i reagon Vetëvendosjes

Më: 12 nëntor 2019 Në ora: 17:25
Memli Krasniqi

PZAP-ja dje ka marrë vendim për anulimin e mbi 3 mijë votave të ardhura nga Serbia. Një vendim i tillë do rezultojë me futjen e NISMA-s në Kuvend me gjashtë deputetë, ndërkohë do të dëmtohet më së shumti Lëvizja Vetëvendosje të cilës do t’i hiqen 3 deputetë.

E ndaj një vendimi të tillë të PZAP-së ndryshe nga herët e tjera kur Vetëvendosje reagonte e ankohej si parti në Gjykata Supreme, tashmë janë ankuar vetëm 3 deputetët të cilët e pësojnë nga një vendim i tillë.

Ndaj një ankesë të tillë të anëtarëve të Vetëvendosje ka reaguar ish-shefi i grupit parlamentar të PDK’së, Memli Krasniqi, i cili do të jetë deputet edhe në legjislaturën e radhës.

Krasniqi ka thënë se partia e Kurtit ka dalë tashmë në mbrojtje të votave të ardhura jashtëligjshëm nga Serbia, duke u ankuar në Gjykatë Supreme.

Zyrtari i PDK’së ka kujtuar se më 29 tetor të këtij viti, LVV me një komunikatë kishte kërkuar që të anuloheshin votat e jashtëligjshme të ardhura nga Serbia, ndërsa tashmë i mbron ato.

Reagimi i plotë i Memli Kransiqit:

 Sa shpejte i dul boja Vetvendosjes!

Partia e Albin Kurtit sot zyrtarisht ka dale ne mbrojtje te votave te ardhura jashteligjshem nga Serbia, duke kerkuar nga Gjykata Supreme qe t’i lejoje ne rezultat zgjedhor votat per Listen Serbe. Kujt ia ka marr mendja qe partia qe deklarohet poshte e perpjete qe s’ben koalicion me Listen Serbe, sot eshte bere avokati i Listes Serbe, duke bere ankese ne Gjykaten Supreme ndaj vendimit te PZAP-se qe ka refuzuar votat e jashtligjshme te ardhura nga Serbia?

Me 29 tetor, Vetvendosja me komunikate zyrtare kerkonte anulimin e ketyre votave, duke i quajtur te jashteligishme, ndersa sot me 12 nentor i mbron ato vota te Listes Serbe, sikur te ishin votat e veta. Cka eshte ky veprim, nese jo uvertyre e partneritetit te ardhshem te partise se Albinit me veglen e Vuqiqit?

Qe gati nje muaj Vetvendosje eshte duke e vonuar finalizimin e procesit zgjedhor, duke bere ankesa e presione te lloj-llojshme ne institucionet pergjegjese, vetem duke kalkuluar ne cfaredo forme grabitjen e ndonje mandati shtese per vete. Sot, ndersa, ata dolen krejt hapur ne mbrojtje te te paligjshmes, dolen kunder deklarimeve te tyre te mehershme, dolen ne mbrojtje te manipulimeve me votat nga Serbia, te shtyre vetem e vetem nga etja per pak me shume pushtet.

Si PDK, ne jemi demtuar me se shumti nga gabimet e ketij procesi zgjedhor! Per shkak te gabimeve ne Formularin e Rezultateve, por edhe pas rinumerimit te rreth 850 kutive ne QNR, ne shumicen e tyre na eshte rritur numri i votave nga 1 deri ne 203 vota per kuti, duke na u shtuar me mijera vota ne total.

Perkunder fakteve konkrete te ketij demtimi, ka qene Kryetari Veseli qe s’eshte pajtuar me kerkesen per ankimim te Sherbimit Juridik te PDK-se, me qellimin e vetem qe te shpejtohet krijimi i institucioneve, ashtu sic ka qene i qarte ne kete qellim edhe naten e zgjedhjeve kur e pranoi rezultatin ende pa perfunduar mire as numerimi preliminar.

Por, vonesat qe po i ben Vetevendosje ne vazhdimesi per permbylljen e procesit zgjedhor, jane vetem manipulime te vogla ne vazhden e manipulimeve e mashtrimeve te medha qe do t’i nxjerrin te zhveshur nga cdo parim ne javet dhe muajt qe po vijne.

Sot, ata u bene avokate te Listes Serbe. Po neser, avokat te cilit djall do te behen?

commentFirst article
Sot mund të lexoni Shfletoni kopertinat