Vetëvendosje i është kundërpërgjigjur akuzave të Nismës për presion mbi stafin e QNR-së gjatë rinumërimit të gati 1 mijë e 500 kutive të votimit, shkruan "Bota sot".
Anëtari i VV-së në QNR, Alban Krasniqi që njëherit është edhe bashkëshorti i ish-deputetes Albulena Haxhiu, ka akuzuar anëtarët e Nismës për ngacmime seksuale.
Ka thënë se të njëjtit po krijojnë insinuata dhe po kërkojnë pavleshmëri votash.
Postimi i plotë:
Natyrisht që merr guxim Lista Nisma që tani të tentojnë të ndryshojnë edhe rezultatin në kuti të votimit, sepse tashmë u pa që në lojë përveç Vuçiqit me Listën serbe është futur edhe Thaçi me PZAP dhe me kapot udhëheqëse të supremes.
Tani kanë sjellë në QNR llumin e tyre gjoja si vëzhgues me qëllim krijimin e tensioneve e pse jo edhe dëmtimin e kutive.
Në vazhdimësi bëjnë presion mbi stafin, krijojnë insinuata, ngacmojnë seksualisht vëzhguese, kërkojnë pavlefshmëri votash.
KQZ duhet tu tregoj vendin këtyre matrapazëve sepse aty është QNR dhe jo Han i Fatmir Limajt. /Lajmi.net/
