Foto e rrallë: Tre pleq, tre heronj që ranë heroikisht në masakrën e Reçakut

Aktuale

Foto e rrallë: Tre pleq, tre heronj që ranë heroikisht në masakrën e Reçakut

Më: 16 nëntor 2019 Në ora: 12:35
Tre pleq që ranë heroikisht në masakrën e Reçakut

Kryetari i Shoqatës së Familjeve të Dëshmorëve të UÇK-së, Xhavit Jashari, ka postuar një fotografi në llogarinë e vet në “Facebook” me tre pleq, heronj që ranë heroikisht më 15 janar ’99 në Reçak.

“Tre pleq, tre heronj që ranë heroikisht më 15 janar ’99 në Reçak. Sadik Mujota nga Mollopolci dhe dy vëllëzërit nga Reçaku, Mehmet e Ahmet Mustafa.. LAVDI!”, ka shkruar Jashari.

Kujtojmë se në orët e hershme të mëngjesit të datës 15 janar 1999 ashtu siç ishte planifikuar në Beograd, fshati Reçak u zgjua i rrethuar nga formacionet e policisë speciale, militare dhe paramilitare serbe të shoqëruar edhe me mjete të shumta të motorizuara. Sipas dëshmitarëve që kanë mbijetuar krimin, aty rreth orës 6.30 minuta forcat serbe me artileri të rëndë kanë filluar të granatojnë fshatin, prej vendeve të quajtura „Pishat“, „Gështenjat“, „Rrasa e Çallakut“ dhe nga „Çesta“ përmbi Reçak. Pas ndërprejes së granatimeve forcat kriminale serbe janë futur në fshat dhe kanë filluar bastisjet shtëpi për shtëpi.

Më 15 janar 1999, në Reçak u vranë e u masakruan barbarisht 45 shqiptarë të paarmatosur, në mesin e të cilëve ishte edhe një grua.

commentFirst article
Sot mund të lexoni Shfletoni kopertinat