Nënkryetari i Lidhjes Demokratike të Kosovës, Lutfi Haziri, ka folur edhe njëherë sa i përket koalicionit me Lëvizjen Vetëvendosje.
Haziri konfirmon se nuk ka asnjë lloj ngërçi dhe asnjë lloj hezitimi sa i përket të ardhmes në ndërtimin e një koalicioni mes LDK-së dhe VV-së.
Tutje, ai gjithashtu thekson se mes këtyre subjekteve nuk bëhet fjalë për ndarje të ‘kulaçit’.
“Mos keni dert. Nuk ka asnjë lloj ngërçi dhe asnjë lloj hezitimi sa i përket të ardhmes në ndërtimin e një koalicioni LDK-VV, si fitues të zgjedhjeve të fundit nga kampi opozitar. Janë arritur shumë pajtueshmëri, siç janë ato në sektorin e ekonomisë, shëndetësisë dhe në sektorin e poltikave terciale. Arsyeja e vetmeve e vonesave është cështja e ankesave sa i përket rezultateve të numërimit. Nuk bëhet fjalë për ndarje të ‘kulaçit’”, shkruan Haziri.