Ehat Miftaraj nga Instituti i Kosovës për Drejtësi ka reaguar pas lajmit se Shpend Maxhuni, ish shef i AKI-se, do të kthehet sërish në Polici, ku ishte dhe drejtor i përgjithshëm.
Përmes një postimi në llogarinë e tij ne Facebook, ai ka ironizuar duke thënë se po kthehet Skënderbeu në Policinë e Kosovës, derisa këtë e ka quajtur lajm fantastiko-shkencor, përcjell Bota sot.
“Misioni ne AKI u përmbyll me sukses! Vazhdojmë tani me Policinë”, ka shkruar ndër të tjera Miftaraj.
Postimi i plotë i tij në Facebook:
Kthehet Skenderbeu ne Policine e Kosoves! Çfarë lajmi fantastiko-shkencor.
Po e paramendoj adresimin e Skenderbeut para menaxhmentit dhe mases se policeve:
E shoh se keni filluar ne shkaterrimin e grupeve dhe rrjeteve kriminale brenda policise. Kjo duhet te ndalet ketu dhe menjehere.
Si njeri i sakrificave dhe politikes, e ndjej obligim moral dhe personal te kthehem ne majat e Policise se Kosoves, per te vazhduar me permbushjen e objektivave qe me mbeten ne gjysme.
I mbesim besnik padroneve dhe politikes deri ne vet sakrifikim.
Misioni ne AKI u permbyll me sukses!
Vazhdojme tani me Policine.