Kryetari i Këshillit Kombëtar Shqiptar të Luginës së Preshevës, Ragmi Mustafa, ka komentuar takimin e zhvilluar me Ministrin për Evropën dhe për Punët e Jashtme të Republikës së Shqipërisë, Gent Cakaj.
Ai përmes një postimi në Facebook, ka përshëndetur iniciativën e Cakajt, duke kërkuar që të ketë angazhim të shtuar diplomatik e shtetëror në mbështetjen e Kosovës Lindore.
Postimi i plotë:
Është për të përshëndetur dhe e vlerësoj lartë iniciativën e Ministrit për Evropën dhe Punët e Jashtme të Republikës së Shqipërisë, Gent Cakaj, për të takuar përfaqësuesit e Luginës.
Konsideroj se duhet angazhim të shtuar diplomatik e shtetëror në mbështetjen e Luginës së Preshevës duke sendërtuar një platformë sistematike më të gjerë në shërbim të ruajtjes mbrojtjen, avancimin dhe zhvillimin e identitetit kombëtar.
Shqiptarët e Luginës janë të lidhur ngushtë në aspektin kulturor, gjuhësor dhe historik me Republikën e Shqipërisë, duhet të sigurohemi të ndërlidhemi edhe ligjërisht.
Prezenca e Republikës së Shqipërisë në Luginën e Preshevës është qenësore. Formimi I mekanizma të komunikimit dhe konsultimit si dhe mbështetja me projekte konkrete nga Qeveria Republikës së Shqipërisë mbeten jetike për ruajtjen e substancës së tonë kombëtare në Luginë.
Republika e Shqipërisë do të ndërmarrë një set të masave që do ta ri dimensionojnë Republikën e Shqipërisë në konsumimin e nenit 8 të Kushtetutës së saj si dhe do të mundësoj që gradualisht shqiptarët e Luginës së Preshevës të institucionalizojnë mbrojtjen e të drejtave individuale dhe kolektive duke u mbështet në dokumentet fondamentale ndërkombëtare e padyshim të shtetit shqiptar.
