Kryetari i Komunës së Obiliqit Xhafer Gashi, ka reaguar pas tërmetit që goditi Shqipërinë që u ndie edhe në Kosovë, duke uruar që gjendja të normalizohet dhe të mos ketë pasoja të mëdha.
Ai gjithashtu u shpreh ngushëllime familjarëve dhe gjithë kombit shqiptar për viktimat e kësaj fatkeqësie ndërsa të lënduarve shërim sa më të shpejtë.
Postimi i plotë në Facebook:
“Nga orët e para të mëngjesit të sotëm, tërmete të vazhdueshme goditën Shqipërinë dhe Kosovën, urojmë që gjendja të normalizohet e mos të ketë pasoja të mëdha.
Duke u solidarizuar dhe ndje keqardhje për të gjithë bashkëkombësit tanë, urojmë normalizim të situatës, derisa shprehim ngushëllime për të gjithë ata që humbën jetën!