As pas mesnatës, nuk kanë ndaluar kërkimet për gjetjen e personave që dyshohet se janë mbetur nën gërmadha pas tërmetit të djeshëm në Shqipëri.
Thumana dhe Durrësi, janë vendet më të shkatërruara, ndërsa numri i viktimave ka arritur në 24.
IndeksOnline po qëndron momentalisht në Durrës tek gërmadhat e Hotel Tropikalit, ku edhe tani rreth orës 03:00 të mëngjesit po punohet në mënyrë intensive nga ekipet e kërkim shpëtimit.
Në gërmadhat e këtij hoteli, po kërkohet trupi i pajetë i kosovarit, Shemsedin Abazi nga Livoçi i komunës së Gjilanit, derisa trupi i vëllait të tij, Isës është nxjerrë në orët e pasdites së djeshme.
Në këtë kërkim kanë mbërritur në vendin e ngjarjes ekipet nga Maqedonia.