Ministri në detyrë për Evropën dhe Punët e Jashtme, Gent Cakaj i shoqëruar nga Presidenti i Kosovës, Hashim Thaçi ka udhëtuar drejt Thumanës për të inspektuar zonat e prekura nga tërmeti, që preku Shqipërinë mëngjesin e ditës së djeshme (26 nëntorit).
Së bashku me Cakajn dhe Thaçin, me ta ishte edhe zv. Kryeministri Erjon Braçe. Ata ndodhen në vendngjarje në mbështetje të trupave specialë që po punojnë për menaxhimin e pasojave të kësaj tragjedie.
Në një postim në Facebook, Cakaj shkruan se në këto momente të vështira për Shqipërinë qëndrojnë pranë çdo familjeje të prekur nga tërmeti tragjik.
