Zyrtari i AAK-së propozon Qeveri gjithpërfshirëse me Albin Kurtin kryeministër

Aktuale

Zyrtari i AAK-së propozon Qeveri gjithpërfshirëse me Albin Kurtin kryeministër

Më: 29 nëntor 2019 Në ora: 08:53
Albin Kurti

Kryetaru i komunës së Junikut nga radhët e AAK-së, Agron Kuçi, ka propozuar që të formohet një qeveri gjithëpërfshirëse në krye me Albin Kurtin në mënyrë që Kosova të jetë më e suksesshme në proceset e mëdha dhe të vështira.

Sipas tij, Albin Kurti e ka rastin unik dhe mundësinë historike që të formojë këtë qeveri uniteti.

‘Sot Albin Kurti, ka rastin unik dhe mundësin historike si fitues i zgjedhjeve te 6 Tetorit, të formoj QEVERI UNITETI të përbërë nga VV, LDK, PDK dhe AAK, me premisën e vetme që vendi ynë-Kosova t’ia del suksesshëm në proceset e mëdha e të vështira që na presin. Formimi i një Qeverie Uniteti, është veprim demokratik, që garanton zgjidhje të çështjeve të theksuara dhe e faktorizon Kosovën në skenën ndërkombëtare , ndërkohë e rritë përgjegjshmërinë e PDK dhe AAK, sforcon partinë fituese VV si dhe LDK dhe si përfundim fuqizon jashtëzakonisht Albin Kurtin si Lider të një  ka shkruar Kuçi.

Kryetari i Junikut thekson se uniteti garanton zgjidhje të çështjeve të theksuara dhe e faktorizon Kosovën në skenën ndërkombëtare pasi që është duke u përballur me presion ndërkombëtar dhe izolim nga BE-ja pas taksës doganore.

“Të përballur padrejtësisht me presion ndërkombëtar, të izoluar nga vendet e Bashkimit Evropian pas aplikimit të taksës doganore ndaj Serbisë, të sfiduar nga Gjykata Speciale diskriminuese, nergut për shqiptarët, të gjendur në geto si vetmi vend në Evropë pa liberalizim të vizave për qytetaret tonë dhe në pamundësi të integrimit në BE dhe në organizatat tjera evropiane dhe botërore edhe 20 vite pas luftës për liri e pavarësi. Të kushtëzuar nga bisedimet dhe dialogu i imponuar me Serbinë, lidhur me sovranitetin dhe integritetin tonë shtetëror, me ngërçet e mëdha në fushat themelore: ekonomike, politike, sociale, kulturore edhe 11 vite pas shpalljes së Pavarësisë Ahtisariane, përballë ikjes masive të rinisë dhe energjisë sonë vitale”, shkruan Kuçi.

commentFirst article
Sot mund të lexoni Shfletoni kopertinat